الحلقة الثالثة عشر

السلام عليكم حبايبي

لن أطيل عليكم في المقدمة وسندخل مباشرة في صلب الموضوع

توقفنا عند العروس ولابد أن أعطيها حقها من الوصف والطقوس المصاحبة لها

كانت العروس في بداية الزمن واستمراراً لحقبة السبعينيات الميلادية بسيطة

ولا فيها تكاليف في بيت أهل العروس

الرجال في الشارع والحريم في البيت وغالباً ما كانت العروس

صورة كرت زواج من منطقة الخرج سنة 1399هـ بمناسبة الحديث عن العرس والزواجات


تكون في السطح والقاعة الرئيسية والرجال في الشارع بس بعيد عن مدخل الحريم وهم داخلين للبيت

الزكرت ومن هم حاطين ( سوالف أو زلف ) كانوا أنواع الخطخطه قدام الباب بدون فايده طبعاً

هنا ما ننسى طاقية الزي أم جنية كانت مدهره في بداية الثمانينيات

ومع أن العوايل انتقلت بنسبة 95% إلى الفلل

يعني مكان أوسع من بيوت الطين إلا أنهم لم يعتادوا توسعهم للفلل ( صدق الضيق في الأنفس )

بدت عملية قاعات الزواجات والفنادق طبعاً الكاش في الانتركونتيننتال ومن هم أقل بقليل في فنادق

 متواضعة بعض الشئ وكانت تعتبر من فئة الخمس نجوم ذاك الوقت ..... وإلخ

أما من قصور الأفراح فهناك الكثير ومن يملك أسماء لقصور تاريخية في منطقته فليذكرنا بها

بدت عملية زفة العروس والعريس بالدخول إلى عادات الزواج

بعض العرسان كان يرفض بس الغالبية تقول ما صدقوا

طبعاً نجم الغزل في هذي المناسبات هو أخ العروس بدعوى التنظيم تارة أو في عملية الزفه تارة اخرى

في ذاك الوقت كانت العروس تنزف مع المعرس سواسية 

( موب زي الحين جي تتمطط قبله ساعه ثمن هو ينزف لحاله )

الغريب أن زفة العروس تلك الأيام على الهادي وslow وزفة المعرس يامرحباً بالمقبلين

ويجيك مجلعد كأنه ما صدق يذكرني بانطلاقات ويلهامسون .

ننتقل من هذا المحور وأنا أصلا مدري وشلون دخلت فيه ونرجع للمحور الأساسي

كان المغازلجي يستغل فترة العرس للالتقاء بالحبيبه بحكم أن العرس تلك الأيام

ماتدري منك في يده هو من طقاقات ( زي موضي بس زمان ) وإلا من مبزه يتدحوسون بين الحريم

يعني تضعف الرقابة إلى درجة العدم وإن فقدوا البنت ما فيه جوالات وإزعاج وتنفضح

يعني كان العرس فرصة ذهبية للديت من عدة أوجه :-

1- اللي بيديت يجي يركب ويرجع البنت محد كشفه .

2- البنت متزينه على الاخر .

3- الوقت طويل .

وين يروحون لين طلعوا ..

إذا العرس شخصية وأنه سوف يطول إلى الساعه الثانية فجراً ( متأخر جداً في ذاك الوقت )

 يستطيع الذهاب للبيت إذا البيت فاضي أو شقة أحد المغازلجية المعتزلين بعد الزواج

( هم أكثر من يقدر الظروف بحكم المعاناة السابقة )

أما عملية الفنادق فلم تكن منتشره في ذاك الوقت .

وإذا العرس عرس قروية يعني ما يمدي الساعة تجي 11:30 إلا الرجال مرتزين عند الباب

وزعلانين يقولون تأخروا وبكره وراهم دوامات

( على بالهم إنجليز والالتزام بالوقت في الدوام وهم أنواع التأخير ولو الليلة ما كان فيها عرس

كان تلقاه طق بلوت عند الشله ولا يرجع إلا الساعة وحده )

المهم أن الرجال فيهم لعانه في ذاك الوقت يعني مسكينة الحرمة تروح للزواج

ما يمديها تنبسط إلا وترجع متنكده وأنواع الملاغا

وياويلها لو قالت ما بعد حطو العشاء يبدأ أنواع التدقيم والسب

وهي تبلع عبرتها يعني العرس يطلع مع خشمها لا عاد ولا عادت سنينه .

المهم ...

في حالتنا هذه إذا كان نوعية المعازيم من هذه النوعية لازم يرجعها قبل عشر ونصف

وفي هذه الحالات كان أحسن مكان للديت مطعم وكان لا يعلى على المطاعم

أو كم لفه على الطاير في كم شارع عشان تبادل القبلات والذي منه

( لا أحد يعلق على هذه النقطه العابرة بالذات , حيث أننا لا نريد أخذ مخرج الطوارئ والخروج عن موضوعنا )

وبما أني تطرقت للتديت فلابد أن أتطرق إلى عملية التطليع والتدييت في الأيام العادية والظروف الطبيعية

وهذا ما سوف تتعرفون عليه غداً


..... يتبع